Presidenti ukrainas Volodymyr Zelensky ka deklaruar se Ukraina është e gatshme të mbështesë një hap drejt uljes së tensioneve me Rusinë, por vetëm nëse Shtetet e Bashkuara sigurohen se Moska është vërtet e gatshme ta zbatojë marrëveshjen. Zelensky iu referua “propozimit të fuqishëm të Shteteve të Bashkuara”, pasi presidenti amerikan Donald Trump deklaroi se Kievi dhe Moska kishin rënë dakord për ndalimin e sulmeve ndaj infrastrukturës energjetike. Në një postim në Telegram, Zelensky tha se propozimi amerikan parashikon një marrëveshje reciproke për “ndalimin e sulmeve ndaj infrastrukturës kritike”. “Nëse kjo mund të jetë hapi i parë drejt uljes së tensioneve – një hap për ndalimin e sulmeve ruse ndaj infrastrukturës sonë kritike dhe sulmeve tona në përgjigje – atëherë Ukraina është e gatshme ta mbështesë de-përshkallëzimin”, deklaroi ai. Zelensky: Evropa nuk mund ta harrojë "atë që po ndodh" në Ukrainë pas vonesës së sanksioneve Megjithatë, presidenti ukrainas shprehu dyshime të forta mbi gatishmërinë e Moskës për t’i dhënë fund luftës, transmeton Telegrafi. “Ne shohim se rusët po ndiejnë tensionin për shkak të përgjigjeve tona të sakta ndaj ekonomisë ruse të luftës. Deri tani, ask