Двата пожари едно по друго, што зафатија делови од периферијата на градот Штип, повторно ја отвори дебатата за одговорноста на лицата кои намерно предизвикуваат огнени стихии. Благодарение на брзата интервенција на пожарникарите доброволци е спасен животот на 69 годишен сопственик на викендичка, кој за малку ќе настрадаше во подметнат пожар. При обид да го изгасне огнот се здобил со изгореници на левата рака и подколениците и вдишал токсичен чад.. Во моментот е хоспитализран во штипска клиничка и е во стабилна состојба. Граѓаните се револтирани и бараат најостри казни за пироманите, оценувајќи дека пожарите не предизвикуваат само материјални штети, туку претставуваат директна закана за човечките животи и домовите. Анкетираните сметаат дека сегашните санкции не се доволни за да ги одвратат сторителите. Од Дирекцијата за заштита и спасување велат дека се екипирани и технички подготвени за претстојното лето, кога високите температури и сувата вегетација значително го зголемуваат ризикот од пожари. - Во овој момент имаме 3 оперативни ер трактори, четири пилоти и ние сме подготвени за сезоната на пожари, изјави Стојанче Ангелов, директор на ДЗС. Сѐ поголемиот број пожари и штетите што г