Një trend i pazakontë bukurie po tërheq vëmendjen në rrjetet sociale, ku gjithnjë e më shumë burra po shkurtojnë qerpikët me synimin për të krijuar një pamje që e konsiderojnë më mashkullore. Videot ku të rinjtë presin qerpikët e tyre kanë nisur të qarkullojnë në TikTok dhe platforma të tjera. Fenomeni është lidhur me “looksmaxxing”, një trend online që përfshin përpjekje të ndryshme për të përmirësuar pamjen fizike. Për disa prej këtyre burrave, qerpikët e gjatë konsiderohen shumë femërorë. Për këtë arsye, ata zgjedhin t’i shkurtojnë, duke besuar se qerpikët më të shkurtër u japin një pamje më të ashpër dhe më “mashkullore”. Megjithatë, ekspertët paralajmërojnë se qerpikët nuk janë vetëm një element estetik. Ata kanë një funksion të rëndësishëm mbrojtës, pasi ndihmojnë në pengimin e pluhurit, papastërtive dhe substancave të tjera që mund të hyjnë në sy. Shkurtimi i qerpikëve, veçanërisht kur kryhet shumë pranë syrit, mund të shkaktojë irritim dhe shqetësime, ndërsa përdorimi i mjeteve të mprehta në këtë zonë rrit edhe rrezikun e dëmtimit të drejtpërdrejtë të syrit. Qerpikët rriten përsëri, por procesi mund të zgjasë disa muaj. Ndërkohë, ideja se qerpikët e shkurtër e bëjnë një bur