“Fustani i hakmarrjes” i Princeshës Diana, të cilin ajo e veshi natën kur Princi Charles pranoi se e kishte tradhtuar, do të dalë në ankand në dhjetor. Ky ankand do të shënojë gjithashtu herën e parë në pothuajse 30 vjet që fustani, i dizajnuar nga stilistja greke Christine Stambolian, do të jetë sërish në dispozicion për blerje. Princesha Diana e veshi fustanin në një darkë bamirësie në vitin 1994, në Galerinë Serpentine të Londrës, në të njëjtën mbrëmje kur Princi Charles pranoi në televizionin kombëtar se e kishte tradhtuar Dianën gjatë martesës së tyre. Çifti mbretëror britanik u nda në vitin 1992, ndërsa divorci u finalizua në vitin 1996. Në vitin 1997, Princesha Diana e shiti fustanin për rreth 40,000 paund britanikë, me qëllim mbledhjen e fondeve për organizatat bamirëse që ndihmojnë njerëzit me kancer dhe AIDS. Dy muaj më vonë, Princesha Diana humbi jetën në një aksident trafiku në Paris. Çifti që e bleu fustanin në vitin 1997, Briege dhe Graeme Mackenzie, e përdori atë për të mbledhur fonde për organizata bamirësie në të gjithë Skocinë, shkruan The Washington Post . “Shpresoj që të përfundojë në duart e dikujt që do ta shijojë po aq sa ne”, tha Briege Mackenzie. Fustani i