Barcelona ka nisur kontaktet e para për rinovimin e kontratës së Raphinhas, ndërsa drejtori sportiv i klubit, Deco, ka zhvilluar një takim joformal me yllin brazilian. Sipas Diario SPORT, Deco dhe Alejandro Echevarría janë takuar me Raphinhan për drekë të hënën në një restorant në Castelldefels, në një takim që shërbeu si hap i parë drejt diskutimeve për një kontratë të re. Raphinha aktualisht ka kontratë me Barcelonën deri në vitin 2028, ndaj klubi nuk është nën presion për të arritur menjëherë një marrëveshje. Megjithatë, drejtuesit katalanas dëshirojnë të sigurojnë vazhdimësinë e brazilianit edhe përtej kësaj date. telegrafi.com Raphinha dëshiron të vazhdojë te Barcelona Sulmuesi 29-vjeçar raportohet se është plotësisht i përkushtuar ndaj Barcelonës dhe dëshiron të vazhdojë karrierën në “Camp Nou”. Ai është shndërruar gjithashtu në një prej kapitenëve dhe figurave më me ndikim në dhomën e zhveshjes nën drejtimin e Hansi Flickut. Raphinha aktualisht nuk ka agjent dhe po i menaxhon personalisht negociatat për të ardhmen e tij. Kjo ka bërë të mundur që ai të komunikojë drejtpërdrejt me drejtuesit e klubit gjatë takimit të së hënës. Braziliani ka një marrëdhënie të fortë me Decoon,