Presidenti amerikan Donald Trump ka deklaruar se do të shqyrtojë kërkesën e familjeve të viktimave të sulmeve të 11 Shtatorit për publikimin e dokumenteve të klasifikuara që mund të hedhin më shumë dritë mbi rolin e dyshuar të Arabisë Saudite në sulmet terroriste të 25 viteve më parë. Disa prej familjeve të viktimave kanë pretenduar prej vitesh se një grup klerikësh ekstremistë në Arabinë Saudite kishte fituar ndikim brenda qeverisë saudite dhe se kishte ndihmuar rrëmbyesit e avionëve. Nga 19 autorët e sulmeve të 11 Shtatorit, 15 ishin shtetas sauditë, ndërsa qeveria e Arabisë Saudite ka mohuar vazhdimisht çdo përfshirje në sulme, transmeton Telegrafi. Familjet i kanë kërkuar Trumpit që të deklasifikojë dhe të bëjë publike dokumentet përkatëse, të cilat sipas tyre mund të ndihmojnë në zbardhjen e lidhjeve dhe përgjegjësive të mundshme. I pyetur për këtë çështje të dielën, gjatë vizitës së tij në Irlandë, Trump tha se do ta shqyrtojë kërkesën sapo të kthehet në Uashington. “Do ta shikoj kur të kthehem. E di që ma kërkuan të premten”, deklaroi Trump pak para se të hipte në Air Force One për t’u kthyer në Shtetet e Bashkuara. Familjarët e viktimave të 11 Shtatorit kanë zhvilluar prej