Rruga e shumëpërfolur që pritet të lidhë Prizrenin me Tetovën ka nisur të jetësohet në terren, por përtej kufirit. Autoritetet lokale në Tetovë kanë filluar me vetëfinancim hapjen e trasesë së parë dhe kilometrave të para drejt vendit ku është paraparë tuneli ndërkufitar. Me hapjen e trasesë së parë lokale, hapi i rëndësisë jetike kalon te dikasteret qeveritare për të finalizuar projektin e madh infrastrukturor. Traseja që pritet të afrojë Tetovën me Prizrenin po hapet me ritme intensive. Deri më tani janë jetësuar kilometrat e para të qarkores mbi fshatin Shipkovicë, e cila parashihet të lidhet me pjesën ku do të hapet tuneli. Ky projekt po zhvillohet me buxhet vetanak të autoriteteve lokale të Tetovës, të cilët synojnë të mbyllin fazën e parë përpara se të kërkojnë mbështetjen e ekzekutivit qendror. "Pra, nga fshati Shipkovicë deri te tuneli, i cili parashikohet të lidhë Tetovën me Prizrenin, projekt ky i cili kushton 250 mijë euro, i tëri i financuar nga Komuna e Tetovës, është duke u punuar intensivisht dhe së shpejti kjo trase pritet të depërtohet plotësisht. Më pas do të shkojmë me fazën tjetër, për asfaltimin e kësaj traseje, mirëpo për punën e asfaltimit të rrugës Tetovë–Pr