Drejtoria për Bujqësi, Pylltari dhe Hidroekonomi në Pejë ka njoftuar se janë inspektuar punimet në kanalin e ujitjes në fshatin Kotradiq. Sipas njoftimit, ky projekt ka rëndësi të veçantë për komunitetin lokal, veçanërisht për bujqit e kësaj zone. Investimi është mbështetur nga Komuna e Pejës përmes Drejtorisë për Bujqësi, Pylltari dhe Hidroekonomi, me qëllim përmirësimin e kushteve për bujqësi dhe zhvillimin e qëndrueshëm rural. /Telegrafi/