Dëshmitë më të hershme të njohura deri më tani për përdorimin e substancave psikoaktive mund të datojnë rreth 25 mijë vjet më parë. Shkencëtarët nga Griffith University thonë se një gjuetar-mbledhës i lashtë në Indonezi konsumonte arra areka, të njohura shpesh si “betel nuts”, gjatë periudhës së fundit akullnajore. Këto arra mund të shkaktojnë një ndjenjë të lehtë euforie dhe rritje të vigjilencës, ndërsa vazhdojnë të konsumohen edhe sot në shumë vende të rajonit Azi-Paqësor. “Edhe pse janë pak të njohura në shoqëritë perëndimore, ato përfaqësojnë substancën e katërt psikoaktive më të përdorur në botë, pas alkoolit, kafeinës dhe nikotinës”, tha autori kryesor i studimit, profesori Adam Brumm. Përdorimi mund të ketë nisur shumë më herët nga sa mendohej Deri tani besohej gjerësisht se përdorimi i substancave psikoaktive nga njerëzit ishte shfaqur gjatë periudhës neolitike, rreth 13 mijë vjet më parë. Por gjetjet e reja e shtyjnë këtë histori më shumë se 10 mijë vjet pas në kohë. Studiuesit analizuan mbetjet e dy njerëzve të lashtë të zbuluar në ishullin Sulawesi të Indonezisë. Njëri prej individëve datonte nga rreth 25 mijë deri në 16 mijë vjet më parë, ndërsa tjetri nga periudha 7,6