Majoneza është një nga ato produkte që ndan njerëzit në dy grupe: disa e adhurojnë, të tjerë nuk e durojnë dot. Për disa, problemi është tekstura. Për të tjerët, përbërësit, pamja e saj e trashë apo bindja se çdo produkt i bërë kryesisht nga vaji dhe e verdha e vezës nuk mund të jetë i shëndetshëm. Në formën më të thjeshtë, majoneza është një përzierje e së verdhës së vezës, vajit, uthullës dhe shpesh mustardës. Ajo përdoret në sanduiçe, patate të skuqura, sallata me ton, sallatë patatesh apo sallatë lakre, duke i lidhur përbërësit dhe duke u dhënë kremozitet e shije. Por për shkak se ka shumë kalori dhe yndyrë, si dhe sepse e verdha e vezës për vite me radhë është lidhur me kolesterolin, majoneza shpesh konsiderohet si e pashëndetshme, që të shëndosh, dëmton zemrën dhe duhet shmangur. Por a është vërtet majoneza aq e keqe sa thuhet? “Majoneza është keqkuptuar. Ajo nuk është domosdoshmërisht e dëmshme”, thotë dietologia Sophie Medlin. “Një lugë gjelle në një sanduiç me ton mund të jetë pjesë e një diete të shëndetshme, sidomos nëse i ndihmon njerëzit të konsumojnë sanduiçe apo sallata më të balancuara.” Nuk është salca më e pashëndetshme Një porcion tipik prej rreth 15 gramësh majo