За малку беше избегната трагедија во загрепската населба Гајнице - каде товарен воз излета од шините и удри во билборд, а од силината на ударот конструкцијата се стутка како хартија. Колку била опасна ситуацијата говори и тоа што несреќата се случила на само петнаесетина метри од подвозникот во Улица Дубравица, под Алејата на градот Болоња, која секојдневно ја користат пешаци и автомобили.