Sipas “Statistik Austria”, në vitin 2025 në Austri jetonin mesatarisht rreth 2,55 milionë njerëz me prejardhje migratore. Kjo shifër përfaqëson 28 për qind të popullsisë së përgjithshme. Krahasuar me vitin 2010, kur shifra ishte 1,52 milionë, bëhet fjalë për rreth 1 milion njerëz më shumë. Këto të dhëna vijnë nga vjetari statistikor “Migracioni dhe Integrimi 2026”, i cili përmbledh të dhënat mbi imigracionin dhe integrimin, si dhe rezultatet e anketës së vitit 2026 mbi migracionin. Si persona me prejardhje migratore konsiderohen ata që kanë lindur vetë jashtë vendit ose ata, të dy prindërit e të cilëve kanë lindur jashtë vendit. Kjo përqindje është rritur vazhdimisht që nga viti 2010. Vitet e fundit, popullsia e Austrisë është rritur vetëm përmes imigracionit, pasi që nga viti 2020 numri i vdekjeve ka tejkaluar çdo vit numrin e lindjeve, siç shpjeguan zyrtarët gjatë prezantimit të vjetarit. Vjena dallohet qartë nga pjesa tjetër e vendit. Në kryeqytet, 51,3 për qind e popullsisë – rreth 1,019 milionë njerëz – kanë prejardhje migratore, shifër kjo shumë më e lartë se mesatarja kombëtare prej 28 për qind. Shtetasit rumunë shënojnë rritjen më të madhe numerike Ndër gati 1,9 milionë (1.