Besfort Zeneli ka folur për reagimet që ka marrë pas vendimit për ta përfaqësuar kombëtaren e Suedisë, duke zbuluar se mesazhet që i janë drejtuar kanë qenë edhe kërcënuese. Mesfushori 23-vjeçar, i cili më herët kishte luajtur për grupmoshat e Kosovës, tregoi se zgjedhja e tij për të veshur fanellën e Suedisë ka nxitur reagime të ashpra. “Kam marrë shumë mesazhe kërcënuese pasi zgjodha të luaj për kombëtaren e Suedisë”, ka deklaruar Zeneli, shkruan sudinfo.be. Para se t’i bashkohej përfaqësueses suedeze, Zeneli kishte zhvilluar gjashtë ndeshje me Kosovën U21. Ai tashmë numëron dhjetë paraqitje me Suedinë. Futbollisti është vëllai i vogël i Arbër Zenelit dhe është formuar si lojtar te Elfsborgu, skuadër nga e cila në janar u transferua te Royale Union, për shumën prej 3.8 milionë eurosh./ Telegrafi /