Фронтменот на бендот „Реформа“, Душан Радивојша, покажа дека музиката не е само забава, туку и начин да се испрати важна порака и да се помогне на оние на кои помошта им е најпотребна. На еден од неодамнешните настапи, пред полн клуб, Душан го прекина концертот за да и се обрати на публиката и ги замоли присутните, согласно своите можности, да одвојат пари за лекување на младиот Стефан, кој се бори со опасна болест.