Arkeologët kanë prezantuar për herë të parë për publikun atë që konsiderohet si mozaiku më i madh muror romak i zbuluar deri më sot, gati 2 mijë vjet pas krijimit të tij. Vepra monumentale, e fshehur nën kodrën Oppian pranë Koloseut në Romë, arrin mbi 10 metra lartësi dhe shtrihet rreth 16 metra përgjatë një muri nëntokësor. Edhe pse pjesë të saj janë humbur ose dëmtuar gjatë shekujve, kanë mbetur mjaftueshëm detaje për të dalluar figura njerëzore me përmasa reale të vendosura mes shtyllave dhe elementeve arkitekturore. Në mozaik shfaqen një filozof me mjekër, një kentaur dhe një poet i ri që merr një kurorë dafine si shpërblim për veprën e tij. Një qytet-port që vazhdon të mbetet mister Arkeologët vazhdojnë punën për të zbuluar pjesë të tjera të kompleksit. Një nga elementet më interesante është paraqitja e detajuar e një qyteti-port, identiteti i të cilit ende nuk është përcaktuar me siguri. Antonio Plescia, kurator i arkeologjisë në Superintendencën Kapitoline për Trashëgiminë Kulturore, tha se bëhet fjalë për një zbulim të jashtëzakonshëm. “Është mozaiku më i madh muror romak. Ka vlerë të jashtëzakonshme për përmasat, cilësinë artistike dhe subjektet që paraqet, pasi mund të pë