Vetëvendosje, pas mbledhjes së kryesisë, ka bërë të ditur se kanë marrë vendim që nesër në seancën konstituive të Kuvendit, të votojnë kandidatët e PDK’së dhe LDK’së, Vlora Çitaku dhe Kujtim Shala, për nënkryetarë të Kuvendit. VV, në reagimin e bërë ndër tjerash thotë se ata shpresojnë që deputeti i LDK’së, Shala, të marrë pjesë në seancën kur do të votohet për Bekim Sejdiun për president. ‘’Nesër në mëngjes deputetët e PDK-së porsa ta ripropozojnë Vlora Çitakun (e cila edhe ashtu i ka edhe dy mundësi), ne do ta votojmë. Gjithashtu, shpresojmë që edhe deputeti Kujtim Shala, nënkryetar i ardhshëm i kuvendit, të marrë pjesë në seancën kur do të votohet për Bekim Sejdiun president sipas marrëveshjes LVV-LDK.’’, shkruan VV’ja. Ndryshe, VV'ja dje tentoi që ta hedh në votim për nënkryetar kandidatin e LDK'së, porse këta të fundit s'pranuan pa u votuar së pari kandidati i PDK'së. The post LDK dje s’pranoi të votohet për të propozuarin e saj pa u votuar propozimi i PDK’së- VV sonte i jep garanci për Shalën appeared first on Gazeta Express .