Gjysma e britanikëve mbipeshë kanë anuluar plane nga frika se nuk do të përshtateshin në ulëse ose nuk do të ndiheshin rehat gjatë daljeve, sipas një studimi të ri. Hulumtimi nga ofruesi online i shërbimeve shëndetësore Numan sugjeron se miliona të rritur në Mbretërinë e Bashkuar mund të jenë duke shmangur evente të rëndësishme, si dasma apo udhëtime me aeroplan, për shkak të shqetësimeve rreth peshës, hapësirës dhe komoditetit. Rreth dy të tretat e të rriturve në Britani klasifikohen si mbipeshë ose obezë, që do të thotë se kanë indeks të masës trupore mbi 25, përkatësisht mbi 30. Gjetjet e Numan tregojnë se e ashtuquajtura “epidemi e obezitetit” po nxit një fenomen gjithnjë e më të përhapur: “ankthin nga ulëset”. Sondazhi me 3 mijë të rritur britanikë, i quajtur “Seat Anxiety Index”, zbuloi se 34 për qind e pjesëmarrësve mbipeshë ose obezë kishin frikë nga ulësja e mesme në aeroplan. Më shumë se një në pesë persona thanë se nuk ndiheshin rehat në karriget plastike, të cilat përdoren shpesh në evente publike, ndërsa pothuajse një në pesë deklaruan se ndiheshin në siklet në karrige bari ose në ulëset pranë dritares dhe korridorit në aeroplan. Ulësja e mesme konsiderohet gjerësisht